Ermənilərin əsgərlə dolu maşını dərəyə aşdı - Ölü və yaralılar var - YENİLƏNİB

Ermənistanda hərbi yük maşını qəzaya düşüb. “Qafqazinfo” Ermənistan KİV-ə istinadən xəbər verir ki, içi əsgərlərlə dolu avtomobilin dərəyə yuvarlanması nəticəsində bir nəfər ölüb, yaralılar var. Hadisəni Ermənistan polisi də təsdiqləyib, başvermə şəraiti araşdırılır.

Hərbi hissələrdən birinə məxsus “Ural" markalı yük maşını Ararat rayonunda Armaş kəndi yaxınlığında qəzaya uğrayaraq dərəyə aşıb. Hadisə nəticəsində bir hərbçi hadisə yerindəcə keçinib. “Yük maşınında 11 hərbçi olub. Onlardan biri Vardan Matevosyan hadisə yerindəcə ölüb. 6 hərbçi müxtəlif dərəcəli bədən xəsarətləri alaraq Ararat tibb mərkəzinə yerləşdirilib”, - Ermənistan İstintaq Komitəsinin mətbuat xidmətindən bildirilib.