Ermənistan ordusunun hərbçisi yol qəzasında ölüb

Ermənistan ordusunda müqavilə əsasında xidmət edən Norayr Ovanisyan və atası Serjik Ovensiyan yol qəzasında ölüb. Avtosfer.az “Report”a istinadən xəbər verir ki, hadisə Sünik rayonunun Noravan kəndi ərazisində, Sisian-Şamb avtomobil yolunun 18-ci kilometrliyində baş verib. Belə ki, “VAZ-2106” ilə “UAZ” markalı avtomobil toqquşub. Nəticədə Ermənistan ordusunun hərbçisi və atası ölüb. Hadisə ailə üzvləri toydan qayıdarkən baş verib. Avtomobildə hərbçinin anası, həyat yoldaş və 3 yaşlı uşağı da olub. Onlar xəsarət almayıb.

Qeyd edək ki, hadisə oktyabrın 28-də qeydə alınsa da, bununla bağlı məlumat oktyabrın 31-də yayılıb.