Ermənistanda İran nömrəli avtobus aşdı: Salonda 25 sərnişin olub

Ermənistanın Sünik vilayətində Sisian-Ltsen avtomobil yolunda sərnişin avtobusu aşıb.

Avtosfer.az xəbər verir ki, bu barədə respublika Daxili İşlər Nazirliyinin mətbuat xidməti məlumat yayıb.

Hadisə dekabrın 28-də saat 08:30 radələrində baş verib. İran dövlət nömrə nişanlı "Scania" markalı avtobus aşıb.

Avtobusda əksəriyyəti Ermənistan vətəndaşları olan 25-ə yaxın sərnişin olub.

İlkin məlumata görə, itki yoxdur.

(publika.az)