Ermənistanda xüsusi təyinatlı polisin komandiri qəzaya uğradı

Ermənistan Daxili İşlər Nazirliyinin xüsusi təyinatlılar batalyonunun komandiri Haykaz Comərdyan İrəvanda qəzaya düşüb.

Avtosfer.az xəbər verir ki, bu barədə erməni KİV məlumat yayıb. 

Qeyd olunub ki, Şirak vilayətinin sakini, 33 yaşlı Merujan Arakelyanın idarə etdiyi “Mercedes”, Haykaz Comardyanın idarə etdiyi “Toyota” və Tavuş sakini, 28 yaşlı Armen Baldryanın idarə etdiyi “Mercedes” markalı avtomobillər toqquşub.

Faktla bağlı cinayət işi başlanıb.

Xüsusi təyinatlılar batalyonunun komandirinin səhhəti barədə məlumat verilmir.