Eyni yerdə iki yol qəzası baş verdi: 8 nəfər xəsarət alıb - Bakıda

Bakıda eyni ünvanda iki yol qəzası baş verib. Avtosfer.az xəbər verir ki, bu barədə Bakı şəhər Dövlət Yol Polisi İdarəsindən APA-ya verilən məlumata görə, hadisə Sabunçu rayonunda qeydə alınıb. “Mercedes” markalı, 90 EN 378 dövlət nömrə nişanlı avtomobil yolun əks istiqaməti ilə hərəkətdə olan “VAZ-2106” markalı, 10 BV 098 dövlət nömrə nişanlı maşınla toqquşub. Nəticədə avtomobillərdə olan 4 qadın, və 1 azyaşlı xəsarət alıb. Hadisədən bir müddət sonra həmin ərazidə “Opel” markalı avtomobil yoldan çıxaraq aşıb. Nəticədə 3 nəfər xəsarət alıb. Hər iki faktla bağlı araşdırma aparılır.