Fabrik işçilərini daşıyan avtobus aşdı - 20 yaralı var - FOTO

Türkiyənin Çankırı şəhərində gecə saatlarında qəza baş verib.

Avtosfer.az Türkiyə mətbuatına istinadən xəbər verir ki, Çankırı-Ankara avtomobil yolunda fabrik işçilərini daşıyan avtobus aşıb.

İlkin məlumata görə, qəza nəticəsində 20 nəfər xəsarət alıb.

Hadisə yerinə sağlamlıq, xilasetmə, polis və jandarma qrupları cəlb olunub. İlkin tibbi yardımdan sonra yaralılar təcili tibbi yardım maşını ilə xəstəxanalara aparılıb.

Qəzaya səbəbin sürücünün idarəetməni itirməsi olduğu deyilir.