Faciə anı: İçində turistlərin olduğu helikopter binanın damına çırpıldı - VİDEO

Meksikanın paytaxtında turist uçuşları həyata keçirən şirkətə məxsus helikopter naməlum səbəbdən qəzaya uğrayıb. Hadisə nəticəsində ölənlər var.

Şahidlər sosial şəbəkələrdə faciənin baş verdiyi anın görüntülərini paylaşıblar.

Məlumata görə, helikopter avtomobil təmiri sexinin binasına düşüb. Göyərtədə olan bir pilot və iki sərnişin ölüblər. Binada və yaxınlıqda isə həmin vaxt heç kim olmayıb.

Qəzanın səbəbi açıqlanmır. Mexiko Baş Prokurorluğu hadisə ilə bağlı araşdırmalara başlayıb.

oxu.az