Fəhlə avtobusu qəzaya uğradı: 5 ölü, 4 yaralı

Dubayda baş verən ağır avtomobil qəzasında beş nəfər həlak olub, dörd nəfər isə xəsarət alıb.  Avtosfer.az musavat.com-a istinadən xəbər verir ki, bu barədə məlumat "The National" qəzetində yer alıb.

Məlumata görə, 20 fəhləni aparan avtobus Əl Rabbat- Əl Garhoud trassında yük maşını ilə toqquşub. Dörd nəfər yerindəcə dünyasını dəyişib,bir nəfər isə yaralı olaraq aparıldığı xəstəxanada həyatını itirib. Daha dörd fəhlə isə həkim nəzarətindədir. 

Polis qəzanın səbəbini araşdırır.