"Ferrari" "Pejo"ya çırpıldı – 2 ölü

İki nəfərin ölümü ilə nəticələnən zəncirvari yol qəzası baş verib. Hadisə Rusiyanın paytaxtı Moskva vilayətinin Minsk şossesinin 45-ci kilometrliyində baş verib. Avtosfer.az "Ren.tv"yə istinadən xəbər verir ki, yerli polisin məlumatına görə, "Ferrari" markalı avtomobil "Reno" və "Pejo" markalı avtomobilləri keçmək istəyərkən, (həmin vaxt "Reno" markalı avtomobil "Pejo" markalı avtomobili yedəkdə trosla çəkirmiş) "Pejo"ya vurub və trosun qırılması səbəbindən "Pejo" markalı avtomobil çevrilərək aşıb və alovlanaraq yanmağa başlayıb. Nəticədə "Pejo"nun içində olan iki nəfər yerindəcə həyatını itirib. Polis əməkdaşları qəza yerində işləyir. Hadisənin təfərrüatları araşdırılır.

Namiq