FHN Tovuzda yanğınla nəticələnən yol qəzası ilə bağlı məlumat yayıb

Fövqəladə Hallar Nazirliyi ötən gün axşam saatlarında Tovuz şəhərində baş vermiş ağır yol qəzası ilə bağlı məlumat yayıb. Avtosfer.az-ın xəbərinə görə, məlumatda bildirilir ki, Tovuz şəhərində vətəndaşa məxsus “Porsche” markalı minik avtomobilininin idarəetməni itirərək beton hasara çırpılması nəticəsində yanğınla nəticələnən yol-nəqliyyat qəzası baş verib. Nəticədə avtomobilin mühərik hissəsi yanıb. Avtomobilin qalan hissəsi yanğından mühafizə olunub. Yanğın yanğınsöndürənlər tərəfindən söndürülüb. Qeyd edək ki, qəza nəticəsində 1 nəfər ölüb, 2 nəfər yaralanıb.