"Ford"a çırpılan firma maşını aşdı – VİDEO

Lənkəranda 2 yük avtomoobili bir-birinə çırpılıb. Avtosfer.az ARBTV-yə istinadən xəbər verir ki, hadisə Ələt-Astara magistralının Vilvan kəndindən keçən hissəsində qeydə alınıb. Lənkəran sakini Ramal Dadaşovun idarə etdiyi, Masallıda fəaliyyət göstərən firmalardan birinə məxsus "Hyundai" markalı avtomobil qarşıda gedən, rayon sakini Tural Əliyevin sükanı arxasında olduğu "Ford" markalı yük avtomobilinə çırpılıb. Zərbənin təsirindən "Hyundai"yolun kənarına aşıb, sürücüsü isə xəsarət alıb. "Ford"un şüşələri sınıb, yük yerində olan sürtgü yağları yerə tökülüb. "Hyundai"ın sürücüsü bildirib ki, qarşısına qəfil iribuynuzlu heyvan çıxdığı üçün özünü itirib və idarəetməni itirib.

Ramal Dadaşov - sürücü: "Sürətim 50 idi. Qaçırtmaq istədim, çatdıra bilmədim. İnəyə dəydim, sonra düşdüm bura".

Faktla bağlı araşdırma aparılır.