Gəmi qəzası: 4 ölü, 7 nəfər itkin düşüb

Dekabrın 21-də Filippinin Luson adası yaxınlığında gəminin batması nəticəsində dörd sərnişin həlak olub. Avtosfer.az Azərtac-a istinadən xəbər verir ki, dekabrın 21-də Keson əyalətindən Polilo adasına üzən gəmidən 240 sərnişin xilas edilib. Sahil Mühafizəsi Xidmətinin məlumatına görə, hadisə zamanı “Mercraft 3” gəmisində 251 sərnişin olub. Hadisə şahidləri yolun yarısında dalğaların hündürlüyünün artdığını və suyun gəminin burun hissəsinə dolmağa başladığını bildiriblər. Sərnişinlərə xilasedici jiletlər paylansa da, bəziləri ondan istifadə edə bilməyib. Nəticədə yeddi sərnişin itkin düşmüş hesab olunur. Hazırda axtarış-xilasetmə işləri davam etdirilir.