Gəncədə “06” aşıb iki yerə bölündü - Sürücü və sərnişin öldü

Gəncədə ölümlə nəticələnən yol qəzası baş verib. Avtosfer.az-ın verdiyi xəbərə görə, qəza şəhərin qərb çıxışında, Gəncə-Şəmkir avtomobil yolunda qeydə alınıb. “VAZ-2106” markalı avtomobilin aşması nəticəsində 2 nəfər-sürücü və sərnişin dünyasını dəyişib.

Hava limanına gedən yolun yaxınlığında baş vermiş qəza zamanı avtomobil ortadan 2 hissəyə bölünüb. Qəzada sürücü sükanın arxasında ölüb, qadın sərnişin isə maşından kənara düşüb. Hazırda hadisə yerində Dövlət Yol Polisi İdarəsinin əməkdaşları qəzanın başvermə səbəblərini və dünyasını dəyişənlərin şəxsiyyətini araşdırır.