Gəncədə avtobus qadını vurub öldürdu

Gəncə. 10 dekabr. REPORT.AZ/ Gəncədə piyadanın vurulması ilə nəticələnən yol-nəqliyyat hadisəsi baş verib. Nərgiz adlı qadın yolu keçmək istəyən zaman onu avtomobil vurub. Tüfeyli həyat tərzi sürən qadın aldığı xəsarətdən xəstəxanaya aparılarkən yolda keçinib. Qadının təxminən 50-55 yaşı olduğu bildirilir. Hadisə Şəmkir avtovağzalı adlanan ərazidə baş verib. Sürücü ilkin ifadəsində qadını vurmadığını, maşını işə salan zaman məhz qadının qəfil maşına çırpılaraq yerə yıxıldığını bildirib. 

***

Yol-nəqliyyat hadisəsi zamanı ölən piyadanın şəxsiyyəti müəyyənləşib. Bu, 1944-cü il təvəllüdlü Gəncə şəhər sakini Nərgiz Ələsgərovadır. Həmçinin məlum olub ki, qadını marşrut avtobusu vurub. Sürücü polis tərəfindən saxlanılıb.

Faktla bağlı araşdırma aparılır.