Gəncədə avtobus qəzaya düşdü

Gəncədə 2 nəfərin xəsarət alması ilə nəticələnən yol qəzası baş verib.

Avtosfer.az apa-ya istinadən xəbər verir ki, hadisə şəhərin Yeni Gəncə yaşayış massivində qeydə alınıb.

Belə ki, 1 saylı xətt üzrə işləyən "Hyundai" maraklı sərnişin avtobusu ilə minik maşını toqquşub. Qəza zamanı 1983-cü il təvəllüdlü T.Orucova və 1978-ci il təvəllüdlü Z.Bayramova xəsarət alaraq xəstəxanaya yerləşdiriliblər.

Hadisə yerinə DYP əməkdaşları cəlb olunub. Faktla bağlı araşdırma aparılır.