Gəncədə avtomobil orta yaşlı kişini xəstəxanalıq etdi

Gəncənin mərkəzi küçələrindən birində piyadanın xəsarəti ilə nəticələnən yol-nəqliyyat hadisəsi baş verib. Avtosfer.az-ın "Bizim.Media"ya istinadən məlumatına görə, şəhərin H.Əliyev prospektində "BMW" markalı avtomobil yolu qarşı tərəfə keçmək istəyən təxminən orta yaşlı kişini vurub. Müxtəlif dərəcəli bədən xəsarətləri alan yaralı yaxınlıqdakı xəstəxanalardan birinə yerləşdirilib. Ona ilkin tibbi yardım göstərilib, vəziyyəti orta-ağr qiymətləndirilir. Xəsarət alan şəxsin kimliyi dəqiqləşdirilir. Faktla bağlı araşdırma aparılır.