Gəncədə iki avtomobil toqquşub, xəsarət alanlar var

Gəncədə iki nəfərin xəsarət alması ilə nəticələnən yol nəqliyyat qəzası baş verib. APA-nın verdiyi məlumata görə, hadisə şəhərin şərq çıxacağında qeydə alınıb. “VAZ-2106” və “Niva” markalı avtomobillərin toqquşması nəticəsində “VAZ” da olan iki qadın müxtəlif bədən xəsarətləri alaraq Gəncə şəhər Təcili Tibbi Yardım xəstəxanasına yerləşdiriliblər. Vəziyyətlərinin orta ağır olduğu bildirilir.

Faktla bağlı hüquq mühafizə orqanları tərəfindən araşdırma aparılır.