Gəncədə iki maşın toqquşdu, iki nəfər xəstəxanalıq oldu

Gəncədə iki nəfərin xəsarət alması ilə nəticələnən yol-nəqliyyat hadisəsi baş verib.

Avtosfer.az-ın "Bizim.Media"ya istinadən məlumatına görə, hərəkətdə olan iki avtomobilin toqquşması nəticəsində 2005-ci il təvəllüdlü Eşqin Muxtarov və 2004-cü il təvəllüdlü Rahil Əliyev müxtəlif dərəcəli bədən xəsarətləri alaraq xəstəxanaya yerləşdiriliblər.

Onlara ilkin tibbi yardım göstərilib, vəziyyətlərinin orta-ağır olduğu bildirilir.

Faktla bağlı araşdırma aparılır.