Gəncədə "Land Rover" işıq dirəyinə çırpıldı

Gəncədə yol qəzası olub. Avtosfer.az-ın "Unikal"a istinadən məlumatına görə, hərəkətdə olan minik maşını idarəetmədən çıxaraq yol kənarındakı işıq dirəyinə, daha sonra zərbənin təsirindən yol kənarında olan hasara çırpılıb. Qəza zamanı xəsarət alan olmayıb, avtomobilə və elektrik təsərrüfatına ziyan dəyib. Hadisə yerinə DYP əməkdaşları cəlb edilib. Faktla bağlı araşdırma aparılır.