Gəncədə maşın işıq dirəyinə çırpıldı - Ölən var - YENİLƏNİB

28.04.2025-ci il tarixində saat 20:00 radələrində 3 nəfər Gəncə Şəhər Birləşmiş Xəstəxanasının nəzdində olan Akademik Z.Məmmədov adına xəstəxananın Təcili tibbi yardım şöbəsinə hospitalizasiya olunub. 

Avtosfer.az xəbər verir ki, bu barədə TƏBİB məlumat yayıb. Bildirilib ki, aqonal vəziyyətdə olan 1970-ci il təvəllüdlü şəxsin (qadın cinsli) aparılan reanimasiya tədbirlərinə baxmayaraq, ölüm faktı qeydə alınıb.

Baldırın əziyi və başın travması diaqnozu təyin edilən 1966-cı il və 1970-ci il təvəllüdlü şəxslərə isə (1 kişi, 1 qadın cinsli) zəruri tibbi xidmətlər göstərilib. 

Vəziyyətləri qənaətbəxş hesab edilən şəxslər ambulator müalicə üçün evə buraxılıblar.

*** 

Gəncədə minik maşını işıq dirəyinə çırpılıb.

Avtosfer.az unikal-a istinadən xəbər verir ki, hadisə şəhərin Əziz Əliyev prospektində qeydə alınıb. Hərəkətdə olan minik maşını yol kənarındakı işıq dirəyinə çırpılıb.

Qəza zamanı 1 nəfər ölüb.