Gəncədə minik avtomobili evə çırpıldı - FOTO - YENİLƏNİB

Gəncədə baş verən yol-nəqliyyat hadisəsi zamanı xəsarət alan şəxsin son vəziyyəti açıqlanıb.

Avtosfer.az oxu.az-a istinadən xəbər verir ki, Tibbi Ərazi Bölmələrini İdarəetmə Birliyindən (TƏBİB) bildirilib ki, mayın 15-i, saat 20:50-də 1998-ci il təvəllüdlü şəxs (kişi cinsli) Gəncə Şəhər Birləşmiş Xəstəxanasının nəzdində olan Akademik Z.Məmmədov adına xəstəxananın Təcili tibbi yardım şöbəsinə hospitalizasiya olunub.

"Çiyinin çıxığı diaqnozu təyin edilən şəxsə zəruri tibbi yardımlar göstərilib. Vəziyyəti orta ağır qiymətləndirilən şəxsin müalicəsi müvafiq şöbədə davam etdirilir", - deyə məlumatda bildirilib.

***09:18

Gəncədə yol-nəqliyyat hadisəsi baş verib.

Avtosfer.az oxu.az-a istinadən xəbər verir ki, hadisə Şah İsmayıl Xətai prospektində qeydə alınıb.

Hərəkətdə olan "Opel" markalı minik avtomobili idarəetmədən çıxaraq yol kənarındakı evə çırpılıb. Nəticədə 1998-ci il təvəllüdlü Səxavət Əliyev xəsarət alaraq xəstəxanaya yerləşdirilib.

Qəza zamanı avtomobilə və evə ziyan dəyib.

Faktla bağlı araşdırma aparılır.