Gəncədə piyadanı avtomobil vurub

Gəncədə avtomobil piyadanı vurub. Avtosfer.az-ın APA-ya istinadən verdiyi məlumata görə, hadisə şəhərin Nizami Gəncəvi və Nəriman Nərimanov prospektlərinin kəsişməsində qeydə alınıb. Goranboy rayonunun Qaradağlı kənd sakini, 1997-ci il təvəllüdlü Orxan Yusibov yolu keçən zaman “VAZ 2107” markalı avtomobil tərəfindən vurulub. Xəsarət alan şəxs dərhal xəstəxanaya yerləşdirilib. Vəziyyətinin orta ağır olduğu bildirilir. Faktla bağlı hüquq-mühafizə orqanları tərəfindən araşdırma aparılır.