Gəncədə “Prius”la “Mercedes” toqquşdu, işıqfor yararsız hala düşdü - VİDEO

Gəncədə yol-nəqliyyat hadisəsi baş verib. Avtosfer.az-ın məlumatına görə, qəza dekabrın 15-də axşam saatların “Pasyolka” adlanan yaşayış massivində qeydə alınıb. Belə ki, taksi fəaliyyətiylə məşğul olan 10-RY-648 dövlət nömrə nişanlı “Toyota Prius” markalı maşın, 10-XX-905 dövlət nömrə nişanlı “Mercedes” markalı avtomobillə toqquşub.

Qəzaya səbəb sürücülərdən birinin yolayrıcını keçmə qaydasını pozması olub. Nəticədə bir-birinə çırpılan hər iki nəqliyyat vasitəsinə maddi ziyan dəyib. Zərbənin təsirindən avtomobillərdən biri yol kənarındakı işıqfora çırpılaraq onu yararsız hala salıb. Xoşbəxtlikdən sürücülər arasında xəsarət alan olmayıb.

Qeyd edək ki, faktla bağlı araşdırma aparılır. 

Nərmin