Gəncədə qəza oldu - Yaralanan var

Gəncədə yol qəzası olub. Avtosfer.az-ın "Unikal"a istinadən məlumatına görə, hadisə şəhərin Mirzə Abbas Abbaszadə küçəsində baş verib. Hərəktədə olan "Chevrolet" markalı minik maşını ilə moped toqquşub. Qəza zamanı mopedin sürücüsü - 2004-cü il təvəllüdlü N.Məmmədov xəsarət alıb. Yaralı xəstəxanaya yerləşdirilib, hazırda onun vəziyyətinin kafi olduğu bildirilir. Hadisə yerinə DYP əməkdaşları cəlb edilib. Faktla bağlı araşdırma aparılır.