Gəncədə qəza - Sürücü yaralandı

Gəncədə bir nəfərin xəsarət alması ilə nəticələnən yol-nəqliyyat qəzası baş verib. Avtosfer.az apa-ya istinadən xəbər verir ki, hadisə şəhərin Üzeyir Hacıbəyov küçəsində qeydə alınıb. “VAZ 2107” və “VAZ 2104” markalı avtomobillərin toqquşması nəticəsində “VAZ 2107”-nin sürücüsü, Samux rayon sakini, 1987-ci il təvəllüdlü Şahmar Əliyev müxtəlif bədən xəsarətləri alaraq xəstəxanaya yerləşdirilib. 

Faktla bağlı Gəncə şəhər Baş Polis İdarəsində araşdırma aparılır.