Gəncədə yol qəzasında bir ailənin 6 üzvü xəsarət alıb - FOTO

Gəncə şəhərinin Nizami Gəncəvi prospektində 6 nəfərin xəsarət alması ilə nəticələnən yol-nəqliyyat hadisəsi baş verib. Qəza zamanı 1977-ci il təvəllüdlü Əliyev Anar Mirnovruz oğlunun sükanı arxasında olduğu "20-DB-687" dövlət qeydiyyat nişanlı "Chevrolet Cruze" markalı minik maşını idarəetməni itirərək yol kənarındakı maneəyə çırpılıb. Nəticədə Gəncə sakinləri olan bir ailənin 6 üzvü – sürücü Anar Əliyev, onun 1957-ci il təvəllüdlü anası Nazilə Əliyeva, 1982-ci il təvəllüdlü həyat yoldaşı Sevinc Əliyeva, həmçinin 2005-ci il təvəllüdlü qızı Əlizadə Nuranə, eləcə də adları hələ ki, məlum olmayan 1 və 6 yaşlı daha iki qızı xəsarət alaraq xəstəxanaya yerləşdirilib.

Report