Gəncədə "ZİL" oğurlandı - Maşın tapıldı, oğrudan xəbər yoxdur

Gəncə sakininin avtomobili qaçırıldı.

Avtosfer.az kəpəztv-yə istinadən xəbər verir ki, Gəncə şəhəri ərazisindən şəhər sakini Emin Məmmədova məxsus "ZİL-130" markalı avtomobil qaçırılıb. 

Hadisə ötən gün baş verib. Kəpəz Rayon Polis İdarəsi əməkdaşları tərəfindən keçirilən əməliyyat-axtarış tədbirləri nəticəsində avtomobil şəhər ərazisində tapılıb, hadisənin Füzuli Əsgərov tərəfindən törədildiyi müəyyən edilib. Gəncə sakini olan Füzuli Əsgərovun saxlanılması istiqamətində tədbirlərə başlanılıb.