Goranboyda ağır qəza: 1 ölü, 3 yaralı

Goranboy rayonunda ölümlə nəticələnən yol-nəqliyyat hadisəsi baş verib. 

Avtosfer.az teleqraf-a istinadən xəbər verir ki, Gəncə şəhər sakinləri Ələsgər Şabanovun idarə etdiyi “VAZ-2107” və Azər Nağıyevin idarə etdiyi “QAZ-33021” markalı avtomobillər toqquşub. 

Nəticədə Ələsgər Şabanovun sərnişinlərindən Ayşən Zahidi hadisə yerində ölüb, özü və digər 2 sərnişini xəstəxanaya yerləşdirilib.

Faktla bağlı araşdırma aparılır.