Goranboyda maşın piyadanı vurub öldürdü - FOTO

Goranboyda 1 nəfərin ölümü ilə nəticələnən yol qəzası baş verib. Avtosfer.az-ın "Report"a istinadən məlumatına görə, hadisə rayonun Qızıl Hacılı kənd ərazisində baş verib. Məlumata görə, kənd ərazisində "10-LL-351" və "60-BO-801" dövlət seriya nişanlı iki "VAZ-2107" markalı avtomobil toqquşub. Hadisə zamanı onlardan biri idarəetmədən çıxaraq yol kənarında olan piyada, 1960-cı il təvəllüdlü Afərin Xəlil qızı Həsənovanı vurub. Nəticədə o, ağır xəsarət alıb. A.Həsənova xəstəxanaya aparılarkən yolda ölüb.

Faktla bağlı araşdırma aparılır.