Goranboyda mikroavtobus aşdı: 3 nəfər yaralanıb - YENİLƏNİB

Goranboy rayonunda 3 nəfərin xəsarət alması ilə nəticələnmiş yol-nəqliyyat hadisəsi baş verib. Avtosfer.az-ın "Report"a istinadən məlumatına görə, hadisə Bakı-Qazax avtomagistralının Dəliməmmədli yaşayış məntəqəsindən keçən hissəsində qeydə alınıb. Belə ki, sərnişin daşıyan mikroavtobus "Mercedes" markalı minik avtomobili ilə toqquşub. Nəticədə mikroavtobus yoldan çıxaraq aşıb. Nəticədə nəqliyyat vasitəsində olan Vuqar Bayramov, Nəcibə Şirinova və Məhruzə Tağıyeva adlı şəxslər yaralanıb. Onlardan ikisi sərnişindir, digər bir nəfərin sürücü və ya sərnişin olduğu məlum deyil. Yaralılar Gəncə şəhərində yerləşən xəstəxanalara çatdırılıb. Fakt araşdırılır.