Goranboyda “Qazel” aşdı, sürücü yaralandı

Bakı-Qazax magistral yolunda sürücünün xəsarət alması ilə nəticələnən yol qəzası baş verib. Hadisə yolun Goranboy rayonu Borsunlu kəndi ərazisində qeydə alınıb. Tovuz rayon sakini, 1959-cu il təvəllüdlü Qasımzadə Asif idarə etdiyi “QAZel” markalı avtomobillə hərəkətdə olarkən idarəetməni itirib və maşın yolun kənarına aşıb. Qəza zamanı sürücü xəsarət alaraq Goranboy rayon Mərkəzi xəstəxanasına yerləşdirilib. Vəziyyətinin orta ağır olduğu bildirilir.