Goranboydan Tovuza toya gedən “Ford” aşıb - 3 yaralı

Tovuzda toya gedən mikroavtobus qəzaya uğrayıb. Avtosfer.az-ın Trend-ə istinadən məlumatına görə, Goranboy rayonundan gələn “Ford” markalı mikroavtobus Tovuz rayonunun Böyükqışlaq kəndi ərazisində idarəetməni itirərək aşıb. Hadisə nəticəsində 3 nəfər ağır xəsarət alıb. Goranboy rayon sakinləri, 1999-cu il təvəllüdlü Xeyrullayeva Zinyət Halay qızı, 1951-ci il təvəllüdlü Əliyeva Səmayə Dünyamalı qızı və 1967-ci il təvəllüdlü Qasımova Ceyran Mədət qızı müxtəlif dərəcəli bədən xəsarətləri ilə xəstəxanaya yerləşdirilib.