Göyçayda DYP maşını qəza törədib - FOTO

Dövlət Yol Polisinə məxsus avtomobil qəza törədib. Avtosfer.az-ın "Report"a istinadən xəbərinə görə, hadisə günorta saat 15 radələrində Bakı - Şamaxı - Yevlax magistral yolunun Göyçay şəhəri Natavan küçəsindən keçən hissəsində qeydə alınıb. Göyçay rayon sakini 1951-ci il təvəllüdlü Rövşən Məmmədovun idarə etdiyi "Opel" markalı avtomobil  köməkçi yoldan baş yola çıxarkən, magistral yolda hərəkətdə olan Göyçay rayon polis bölməsinə məxsus və Elman Əliyevin idarə etdiyi BMW markalı 99-YP-621 dövlət nömrə nişanlı avtomobillə toqquşub. Qəza zamanı xəsarət alan olmasa da, hər iki avtomobilə ciddi ziyan dəyib. Faktla bağlı araşdırma aparılır.