Göyçayda “Hyundai”la “Mercedes” toqquşdu: 3 yaralı - FOTO

Göyçay rayonunda 3 nəfərin ağır xəsarət alması nəticələnən avtomobil qəzası baş verib. Hadisə yanvarın 15-də gecə saat 22:00 radələrində Bakı-Şamaxı-Yevlax avtomobil yolunun 215-ci kilometrliyində, Göyçay şəhərində qeyd alınıb. Məlumata görə, 90-CP-911 dövlət nömrə nişanlı “Hyundai Santa Fe” markalı minik avtomobili qarşı tərəfdən gələn 90-BG-055 dövlət nömrə nişanlı “Mercedes” markalı minik avtomobili ilə toqquşub. Hadisə zamanı Göyçay rayon sakinləri, 1981-ci il təvəllüdlü Abbasov Vüsal Rasim oğlu, 1981-ci il təvəllüdlü Dəmirov Nurlan Hacıbaba oğlu, 1976-cı il təvəllüdlü Vəliyev Qəhrəman Yusif oğlu müxtəlif dərəcəli bədən xəsarətləri ilə Göyçay rayon Mərkəzi Xəstəxanasının cərrahiyə və travmatologiya şöbələrinə yerləşdirilib. Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.

APA