Göyçayda “Mercedes” aşdı, sürücü xəsarət aldı

Göyçay rayonunda ağır avtomobil qəzası baş verib. APA-nın xəbərinə görə, hadisə bu gün saat 17:30 radələrində Bakı-Şamaxı-Yevlax avtomobil yolunun 192-ci kilometrliyində, Göyçayın Yekəxana kəndi ərazisində qeyd alınıb. Kürdəmir rayon sakini, 1962-ci il təvəllüdlü Məmmədov Sabit Rüstəm oğlu idarə etdiyi 99-BV-063 dövlət nömrə nişanlı “Mersedes” markalı minik avtomobili ilə sürətlə hərəkətdə olarkən sürücü idarəetməni itirib və avtomobil yoldan çıxaraq taxıl sahəsinə aşıb. Hadisə zamanı sürücü Sabit Məmmədov müxtəlif dərəcəli bədən xəsarətləri ilə Göyçay rayon Mərkəzi Xəstəxanasına yerləşdirilib.

Faktla bağlı araşdırma aparılır.