Göyçayda piyadanı xəstəxanalıq edib qaçan avtomobil axtarılır

Göyçay rayonunda piyadanın vurulması ilə nəticələnən yol qəzası baş verib. Avtosfer.az-ın Trend-ə istinadən məlumatına görə, hadisə şəhərin Heydər Əliyev prospektində baş verib. 1971-ci il təvəllüdlü Əhmədov Xəqani Yusif oğlu yaşadığı küçədə yolu keçərkən naməlum avtomobil tərəfindən vurulub. Yaralı ağır kəllə-beyin zədəsi ilə Göyçay rayon Mərkəzi Xəstəxanasına yerləşdirilib. Faktla bağlı Göyçay rayon Polis Şöbəsində araşdırma aparılır.