Göyçayda qəzaya uğrayan VAZ kanala düşdü: Sürücünün meyiti tapıldı - VİDEO - YENİLƏNİB

Göyçay rayonu, Kürdəmiş kəndində VAZ-2106 markalı avtomobilin su kanalına düşməsi nəticəsində itkin düşən sürücünün meyiti tapılıb.

Avtosfer.az bununla bağlı Fövqəladə Hallar Nazirliyinə (FHN) istinadən xəbər verir.

Bildirilib ki, FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc qrupu tərəfindən 1942-ci il təvəllüdlü Ağalar Şamil oğlu Osmanovun meyiti suda tapılıb çıxarılaraq aidiyyəti üzrə təhvil verilib.

***14:54

Fövqəladə Hallar Nazirliyinin "112" qaynar telefon xəttinə Göyçay rayonu, Kürdəmiş kəndində içərisində vətəndaşın olduğu VAZ-2106 markalı avtomobilin su kanalına düşməsi barədə məlumat daxil olub.

Avtosfer.az xəbər verir ki, bununla bağlı FHN məlumat yayıb.

Məlumatla əlaqədar dərhal FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc qrupu axtarışlara cəlb olunub.

Hazırda avtomobilin kanala düşdüyü istiqamətdə vətəndaşın axtarışları davam etdirilir.

Əlavə məlumat veriləcək.

Avtosfer.az xəbər verir ki, Oxu.Az-ın əldə etdiyi məlumata görə, axtarılan şəxs VAZ-ın sürücüsü, 84 yaşlı Ağalar Osmanovdur.

***12:06

Göyçada yol-nəqliyyat hadisəsi baş verib.

Avtosfer.az xəbər verir ki, hadisə bu gün saat 10 radələrində Göyçayın Cəyirli kəndi ərazisində qeydə alınıb.

Belə ki, VAZ-2106 markalı avtomobil əvvəlcə KIA markalı maşınla toqquşub, daha sonra su kanalına düşüb.

Avtomobilin kanaldan çıxarılması üzrə işlər davam etdirilir./oxu.az