Göyçayda zəncirvari qəza, yaralılar var - YENİLƏNİB

Göyçay rayonunda baş verən yol-nəqliyyat hadisəsinin bəzi təfərrüatı məlum olub.

Avtosfer.az oxu.az-a istinadən xəbər verir ki, hadisə bu gün saat 15:00-da Göyçay-Bərguşad yolunun rayonun Cəyirli kəndi ərazisindən keçən hissəsində qeydə alınıb.

Belə ki, Göyçay rayon sakini, 1999-cu il təvəllüdlü İsmayıl Aqil oğlu Abışovun idarə etdiyi "Mercedes" markalı 99-BL-167 dövlət nömrə nişanlı avtomobillə 1993-cü il təvəllüdlü İsmət Ağamehdi oğlu Mehdizadənin idarə etdiyi "Ford" markalı, 90-FE-648 dövlət nömrə nişanlı və Göyçay sakini, 1971-ci il təvəllüdlü Qadir Nəriman oğlu Salmanovun idarə etdiyi QAZ-53 markalı 23-BF-332 dövlət nömrə nişanlı avtomobillər toqquşub.

Hadisə nəticəsində "Mercedes"in sürücüsü İsmayıl Abışov və "Ford"da olan sərnişin - İsmayıllı rayon sakini, 1994-cü il təvəllüdlü Hikmət Zünhar oğlu Kərimov xəsarət alıblar.

***17:03

Göyçay rayonunda yol-nəqliyyat hadisəsi baş verib.

Avtosfer.az oxu.az-a istinadən xəbər verir ki, hadisə Göyçay şəhərinin ərazisində qeydə alınıb.

"Mercedes-Benz" markalı avtomobil qarşıdan gələn "Ford" markalı avtomobil və QAZ-53 markalı yük maşını ilə toqquşub. Hadisə nəticəsində "Mercedes-Benz"in sürücüsü, Göyçay rayon sakini, 1999-cu il təvəllüdlü İsmayıl Abışov və "Ford"un sərnişini, İsmayıllı rayon sakini, 1994-cü il təvəllüdlü Hikmət Kərimov müxtəlif dərəcəli bədən xəsarətləri ilə xəstəxanaya yerləşdiriliblər.

Faktla bağlı araşdırma aparılır.