Göygöldə 19 yaşlı piyadanı avtomobil vurub

Göygöldə avtomobil piyadanı vurub. Avtosfer.az-ın APA-ya istinadən verdiyi məlumata görə, hadisə rayonun Topalhəsənli kəndinə gedən yolda baş verib. Yolu keçmək istəyən kənd sakini, 1998-ci il təvəllüdlü Abbasova Cahan Aslan qızı “Niva” markalı avtomobillə vurulub. Sürücü xəsarət alan qızı dərhal Gəncədə olan xəstəxanaların birinə aparıb. Vəziyyətinin orta ağır olduğu bildirilir. Faktla bağlı araşdırma aparılır.