Göygöldə baş vermiş qəzada 4 nəfər xəsarət alıb - ADLAR - FOTO

Göygöldə baş vermiş avto-qəzada dörd nəfər xəsarət alıb. Avtosfer.az Teleqraf-a istinadən xəbər verir ki, hadisə rayonun Qızılca kəndində qeydə alınıb. İlkin məlumata görə, qəza zamanı 1979-cu il təvəllüdlü İlhamə Hüseynova və onun qızı 2004-cü il təvəllüdlü Xədicə Hüseynova, "VAZ"-ın sürücüsü 2000-ci il təvəllüdlü Əli Əsgərov, həmçinin 2004-cü il təvəllüdlü Eltac Ağacanov xəsarət alıblar. Yaralılar yaxınlıqdakı xəstəxanalardan birinə yerləşdirilib. Onlara ilkin tibbi yardım göstərilib, müalicələri davam edir. Faktla bağlı araşdırma başlanılıb.