Göygöldə iki avtomobil toqquşub, 4 nəfər xəsarət alıb

Gəncə-Şəmkir avtomobil yolunda 4 nəfərin xəsarət alması ilə nəticələnən yol-nəqliyyat qəzası baş verib. Avtosfer.az xəbər verir ki, bu barədə apa-nın qərb bürosunun verdiyi məlumata görə, hadisə yolun Göygöl rayonunun Quşqara kəndi ərazisindən keçən hissəsində qeydə alınıb. “Opel” və BMW markalı avtomobillərin toqquşması nəticəsində 4 nəfər müxtəlif bədən xəsarətləri alaraq Gəncə şəhər Təcili Tibbi Yardım Xəstəxanasına yerləşdirilib.

Araşdırma aparılır.