Göygöldə iki avtomobil toqquşub, eyni ailənin 4 üzvü xəsarət alıb

Göygöldə bir ailənin 4 üzvünün xəsarət alması ilə nəticələnən yol-nəqliyyat hadisəsi baş verib. Avtosfer.az xəbər verir ki, bu barədə apa-nın qərb bürosunun verdiyi məlumata görə, Gəncə-Göygöl avtomobil yolunda Naftalan şəhər sakini, 1983-cü il təvəllüdlü Bəşir Qarayevin idarə etdiyi “VAZ - 2107” markalı avtomobillə firmalardan birinə məxsus “Isuzu” markalı yük avtomobili toqquşub. Zərbənin gücündən yük avtomobili yolun kənarına aşıb. Hadisə nəticəsində “VAZ - 2107”-nin sürücüsü, onun həyat yoldaşı, 1980-ci il təvəllüdlü Mehriban Qarayeva, övladları - 16 yaşlı Fəridə və 12 yaşlı Fərhad müxtəlif bədən xəsarətləri alaraq Göygöl rayon mərkəzi xəstəxanaya yerləşdiriliblər. Onlara dərhal tibbi yardım göstərilib.

Faktla bağlı Göygöl rayon Polis Şöbəsində araşdırma aparılır.