Göygöldə maşın aşdı - 3 yaralı

Göygöldə yol qəzası baş verib. Avtosfer.az Kəpəz TV-yə istinadən xəbər verir ki, Göygöl rayonunda yol qəzası qeydə alınıb. Avtomobil aşıb, 3 nəfər xəsarət alıb. Yaralılar Gəncə Şəhər Təcili Tibbi Yardım Xəstəxanasına gətiriliblər. Onlardan ikisinə tibbi yardım göstərilib və şəxslər evə buraxılıblar. 20 yaşlı Sərxan Qasımov isə xəstəxananın travmatologiya şöbəsinə yerləşdirilib. Ona sağ baldır sümüyünün sınığı diaqnozu qoyulub. Vəziyyəti orta-stabildir.

Faktla bağlı araşdırma aparılır.