Göygöldə qəza olub, xəsarət alanlar var

Göygöldə yol-nəqliyyat hadisəsi baş verib. Avtosfer.az-ın APA-ya istinadən məlumatına görə hadisə rayon ərazisində qeydə alınıb. Belə ki, hərəkətdə olan "Niva" və "Chevrolet" markalı minik avtomobilləri toqquşub. Qəza nəticəsində bir neçə nəfər xəsarət alaraq xəstəxanaya yerləşdirilib. Hadisə yerinə DYP əməkdaşları cəlb edilib. Faktla bağlı araşdırma aparılır.

***

07.04.2026-cı il tarixində saat 19:20 radələrində Göygöl rayonu ərazisində baş verən yol-nəqliyyat hadisəsi ilə əlaqədar olaraq 3 nəfər (kişi) Göygöl Rayon Mərkəzi Xəstəxanasına hospitalizasiya olunub. TƏBİB-dən verilən məlumata görə, müxtəlif bədən xəsarətləri alan pasiyentlərə zəruri tibbi xidmətlər göstərilib. Hazırda müalicələri davam etdirilir, vəziyyətləri orta ağır qiymətləndirilir.