Göygöldə qəzada yaralanan şəxslərin son vəziyyəti açıqlandı

Tibbi Ərazi Bölmələrini İdarəetmə Birliyi (TƏBİB) Göygöl rayonunda baş verən yol-nəqliyyat hadisəsi zamanı xəsarət alanların vəziyyətini açıqlayıb.

Avtosfer.az oxu.az-a istinadən xəbər verir ki, qurumdan verilən məlumata görə, hadisə səbəbi ilə xəsarət alan 3 nəfər (kişi cinsli) Gəncə Şəhər Birləşmiş Xəstəxanasının nəzdində olan akademik Z.Məmmədov adına xəstəxananın Təcili tibbi yardım şöbəsinə hospitalizasiya olunub.

Onlara sol biləyin sınığı, sol qolun əziyi və burunun travması diaqnozları təyin edilib.

Hər üç şəxsə zəruri tibbi yardım göstərilib və onlar ambulator müalicə üçün evə buraxılıblar.