Göygöldə yük maşını divara çırpıldı, sürücü yaralandı

Gəncə-Daşkəsən avtomobil yolunun Göygöl rayonu Yeni Qızılca kəndi ərazisindən keçən hissəsində yol nəqliyyat qəzası baş verib. APA-nın verdiyi məlumata görə, hərəkətdə olan “KamAZ” markalı avtomobil idarəetmədən çıxaraq yolun kənarında olan divara çırpılıb. Qəza zamanı sürücü, 1952-ci il təvəllüdlü Nurəddin Məmmədov kəllə beyin travması alaraq Gəncə şəhər Təcili Tibbi Yardım xəstəxanasına yerləşdirilib.

Faktla bağlı araşdırma aparılır.