Gürcüstanda yol qəzası 4 nəfərin həyatına son qoydu

Tbilisi-Bakurtsikhe magistral yolunda baş verən qəzada 4 nəfər həlak olub.

Avtosfer.az Aktual.ge saytına istinadla xəbər verir ki, hadisə günorta saatlarında baş verib.

Hadisə şahidlərinin yerli mətbuata verdiyi məlumata görə, yük maşını (treyler) və dörd minik avtomobili toqquşub. Toqquşma nəticəsində yük maşını avtomobillərin üzərinə aşıb.

Qəza nəticəsində alınan xəsarətlərdən 4 nəfər hadisə yerində dünyasını dəyişib, bir nəfər yaralanıb.

Hadisə yerində polis əməkdaşları cəlb olunub və Tbilisi-Bakurtsikhe magistral yolu müvəqqəti olaraq bağlanıb.

Vüqar