Hacıqabulda avtomobil aşdı: 2 yaralı

Bu gün səhər saatlarında Bakı-Qazax yolunun 110-cu kilometrliyində, Hacıqabul rayonunun Pirsaat kəndi ərazisində yol-nəqliyyat hadisəsi baş verib. Avtosfer.az-ın APA-ya istinadən məlumatına görə, “KamAZ” markalı yük maşını ilə toqquşan  “Lada” markalı minik avtomobili yoldan çıxaraq, aşıb. Nəticədə iki nəfər xəsarət alıb. Həmin şəxslər Şirvan Mərkəzi Şəhər Xəstəxanasına çatdırılıblar. Faktla bağlı araşdırma aparılır.