Hacıqabulda yol qəzası - 3 nəfər yaralandı

Hacıqabulda 3 nəfərin yaralanması ilə nəticələnən yol qəzası baş verib. Hadisə bu gün axşam saatlarında Bakı-Qazax magistral yolunda, rayonun Qarasu kəndi ərazisindən keçən hissəsində qeydə alınıb. İki minik avtomobilinin toqquşması nəticəsində 3 nəfər müxtəlif dərəcəli bədən xəsarətləri alıb. Yaralılar Şirvan Şəhər Mərkəzi Xəstəxanasına çatdırılıb. Bunlar Göyçay rayon sakinləri, 45 yaşlı Şaiq Şahnəzər oğlu Nuriyev, 32 yaşlı Eyvaz Məhəmməd oğlu İbadov və onun qardaşı Etibar İbadovdur.

Faktla bağlı araşdırma aparılır.