Hamilə qadın yol qəzasında xəsarət aldı - Şəmkirdə

Bakı-Qazax magistralının Şəmkir rayonu ərazisindən keçən hissəsində yol qəzası baş verib. "Lada Priora” markalı avtomobillə Şəmkirdən Gəncə istiqamətinə hərəkət edən sürücü idarəetməni itirib. Nəticədə avtomobil qarşıdan gələn Kamaz markalı yük maşınına çırpılıb. Nəticədə avtomobil yararsız hala düşüb, nəqliyyat vasitəsində olan sürücü və biri qadın olmaqla iki sərnişin xəsarət alıb.

Yaralılar Gəncə şəhər TTYX-a çatdırılıb. Qadının hamilə olduğu bildirilir. Hadisə yerinə DYP əməkdaşları cəlb olunub, fakt araşdırılır.